Ceremonia e 97-të e ndarjes së çmimeve Oscar u zhvillua të hënën, më 3 mars, në teatrin e famshëm Dolby në Los Angeles, duke shënuar një natë magjepsëse për botën e kinemasë.
Çmimet e Akademisë kurorëzuan filmat dhe aktorët më të mirë të vitit, ndërkohë që të pranishmit në ngjarje ishin të fiksuar për të dhënë vëmendje edhe përpara ceremonisë – pikërisht në tapetin e kuq.
“Anora” i Sean Baker u shpall filmi më i suksesshëm, duke fituar 5 çmime Oscar, ndërsa “Emilia Perez”, e cila ishte një nga favoritët më të mëdhenj me 13 nominime, në fund mundi të fitonte vetëm dy çmime. Pavarësisht kësaj, mbrëmja mbeti një ngjarje e paharrueshme për të gjithë ata që ishin pjesë e saj.
Një tjetër ngjarje e rëndësishme ishte fitorja e Adrien Brody, i cili mori Oscarin e tij të dytë për interpretimin në filmin “The Brutalist”. Megjithatë, më shumë se çdo gjë tjetër, shenjë tërheqëse ishte betejat për çmimet në kategoritë më të diskutueshme, si çmimi për aktoren më të mirë. Sipas shumicës, Demi Moore pritej të merrte çmimin për rolin e saj në “Substance”, por surpriza e natës erdhi kur Mikey Madison u shpall fituese për interpretimin në “Anora”.
Duke kaluar nga çmimet në modelet e tapetit të kuq, shumë yje të Hollywood-it tërhoqën vëmendjen me paraqitjet e tyre të jashtëzakonshme. Ritën Wilson, Halle Berry, Penelope Cruz dhe Scarlett Johansson mund të konsiderohen ndër emrat që bënë bujë me veshjet e tyre të shtrenjta dhe të bukura. Po ashtu, edhe Miley Cyrus dhe Emma Stone i dhanë natës një sharm të veçantë me paraqitjet e tyre, të cilat ndriçuan tapetin e kuq.
E pranishme në këtë ngjarje ishin gjithashtu edhe Goldie Hawn dhe Kurt Russell, të cilët treguan se stili klasik dhe eleganca janë gjithmonë një zgjedhje e sigurt për natën më të madhe të filmit. Meg Ryan dhe Lily Rose Depp gjithashtu u bënë temë diskutimi për veshjet e tyre, që ishin një përzierje perfekte e modernizmit dhe sofisticimit.
Përveç atmosferës festive të ceremonisë, tapeti i kuq ishte një ngjarje më vete, duke pasur parasysh se të famshmit përdorën këtë mundësi për të treguar stilin e tyre personal dhe për t’u bërë pjesë e një momenti të paharrueshëm të historisë së Oscars. Natyrisht, ky ishte një tjetër vit kur veshjet e yjeve u bënë pjesë e pamjes më të madhe të natës.
