Presidenti amerikan Donald Trump ka lëshuar një reagim të fortë përmes rrjetit të tij social, Truth, ku ka theksuar se Shtetet e Bashkuara duhet të fokusohet më shumë në problemet e brendshme, duke lënë mënjanë shqetësimet për liderin rus Vladimir Putin.
Sipas tij, Amerika nuk duhet të ndjekë shembullin e Evropës, e cila po përballet me pasojat e politikave të saj të emigracionit.
Trump ka theksuar se shqetësimi kryesor për SHBA-në duhet të jenë bandat e kriminelëve që operojnë brenda vendit, përfshirë ato që merrem me trafikimin e drogës dhe krimet seksuale. Ai ka bërë një krahasim të drejtpërdrejtë me Evropën, duke sugjeruar se politika e hapjes së kufijve dhe tolerancës ndaj emigrantëve ka sjellë pasiguri dhe rrezik për qytetarët.
“Ne duhet të shpenzojmë më pak kohë duke u shqetësuar për Putinin dhe më shumë kohë duke u shqetësuar për bandat e përdhunuesve të emigrantëve, bosët e drogës, vrasësit dhe njerëzit nga institucionet mendore që hyjnë në vendin tonë”, shkruan Trump. Ai thekson se këto janë kërcënime të drejtpërdrejta që mund të dëmtojnë sigurinë e qytetarëve amerikanë dhe se është e nevojshme të fokusohemi në këto probleme për të mbajtur vendin të sigurt.
Trump e ka kritikuar politikën e emigracionit të administratës aktuale amerikane, duke sugjeruar se qeveria duhet të bëjë më shumë për të kontrolluar hyrjen e kriminelëve dhe individëve të rrezikshëm. Ai ka shpallur se Shtetet e Bashkuara duhet të ruajnë sigurinë dhe integritetin e shtetit të tyre dhe të mos i lejojnë individëve të rrezikshëm të dëmtojnë shoqërinë.
Në këtë kontekst, Trump ka kërkuar që të ndërmerren masa të forta për të ndaluar hyrjen e kriminelëve dhe për të siguruar që ata që hyjnë në SHBA të kalojnë një kontroll të plotë dhe të detajuar. Ai gjithashtu ka theksuar se ky është një problem që mund të përkeqësohet nëse nuk merren masa urgjente.
Për Trump, problemi i emigracionit është shumë më i madh sesa çështjet që lidhen me politikën e jashtme dhe, për këtë arsye, ai insiston që Shtetet e Bashkuara duhet të përqendrohen në kërcënimet që vijnë nga brenda. “Nëse nuk merremi me këtë, mund të përfundojmë si Europa, ku krimi dhe pasiguria janë rritur ndjeshëm për shkak të politikave të gabura”, ka përfunduar Trump.
Në fund, ai ka bërë thirrje për veprime të menjëhershme, duke theksuar se kjo është një çështje e sigurisë kombëtare dhe se është e nevojshme që qeveria amerikane të veprojë me vendosmëri për të mbrojtur qytetarët e saj nga kërcënimet që vijnë nga krimi dhe emigracioni i pasigurt.
