Dy aksidente të ndodhura pothuaj në të njëjtën kohë në autostradën Fier Lushnje në afërsi të Savrës në largësi joç shumë se 200 metra nga njëra tjetra. Aksidenti i parë ka ndodhur teksa një automjet tip ford që udhëtonte në drejtim të Lushnjes është përplasur me barrierën e hekurt të autostradës ku udhëtonin dy persona. Si rezultat i përplasjes drejtuesi i mjetit ka përfunduar në spital me lëndime të shumta duke i transportuar nga ambulanca me urgjencë. Një prej gomave të para të mjetit ka mbetur në pikën e përplasjes ndërsa automjeti ka ikur rreth 200 metra më tutje për inerci.
Aksidenti i dytë ka qenë po në autostradë ku mjeti tip fiat me të cilin udhëtonin dy turiste franceze është përplasur nga pas nga një kamionçinë. Si rezultat i përplasjes ka dëme materjale dhe dy turistet franceze kanë shpëtuar pa lëndime serioze.
Policia në vendngjarje po punon për dokumentimin e aksidenteve dhe zbardhjen e shkaqeve të tyre duke disiplinuar njëkohësisht dhe trafikun e rënduar.