Një zjarr ka përfshirë gjatë natës një lokal pranë urës së Dajlanit në Durrës, duke shkaktuar dëme materiale.

Sipas të dhënave paraprake, objekti nuk ishte në funksion në momentin e rënies së zjarrit dhe nuk ka pasur persona të lënduar. Zjarrfikësit kanë ndërhyrë në kohë, duke arritur të shuajnë flakët dhe të shmangin përhapjen e tyre në zona të tjera.

Paraprakisht, shërbimi zjarrfikës dyshon se shkaku i zjarrit ka qenë një shkëndijë elektrike në ambientet e brendshme të lokalit, i cili prej kohësh ishte i mbyllur.

Autoritetet vijojnë verifikimet për të konfirmuar shkakun përfundimtar të ngjarjes.