Një shpërthim ka ndodhur pranë Konsullatës ruse në Marsejë, qytet i njohur në jug të Francës, duke shkaktuar panik dhe shqetësim.
Dëshmitarët kanë raportuar se shpërthimi ishte i fuqishëm dhe dëgjohej në zonën përreth ndërtesës diplomatike. Mediat lokale kanë konfirmuar se incidenti ka tërhequr vëmendjen e autoriteteve, ndërsa ende nuk ka pasur një reagim zyrtar nga ana e policisë franceze.
Sipas raportimeve të transmetuesit BFM Marseille Provence, zjarrfikësit kanë arritur në vendin e ngjarjes dhe kanë konfirmuar shpërthimin, por ende nuk janë dhënë detaje të tjera. Në të njëjtën kohë, media ruse RBC ka citurar Konsullin e Përgjithshëm të Rusisë në Marsejë, Stanislav Oranskiy, i cili ka deklaruar se shpërthimi ka ndodhur brenda ambienteve të konsullatës.
Agjencia ruse e lajmeve, Tass, ka theksuar se shpërthimi ka të gjitha shenjat e një “sulmi terrorist”, duke sugjeruar mundësinë e një akti të qëllimshëm kundër diplomacisë ruse në Francë. Ky informacion ka shtuar shqetësimin, pasi ndodhia ndodhi në një kohë të tensioneve ndërkombëtare mes Rusisë dhe shteteve perëndimore.
Ministria e Jashtme e Rusisë ka kërkuar që të bëhet një hetim i thelluar për këtë incident. Ata janë të shqetësuar për natyrën e shpërthimit dhe për mundësinë e një sulmi të organizuar ndaj përfaqësisë diplomatike ruse në Marsejë. Ky shpërthim ka nxjerrë në pah sigurinë e dobët të disa objekteve diplomatike dhe ka ngritur pyetje mbi mbrojtjen e tyre në situata të tilla.
Për momentin, autoritetet franceze po kryejnë hetime të thelluara dhe po shqyrtojnë mundësinë e të gjitha skenarëve. Sipas informacionit të fundit, nuk ka pasur të lënduar, megjithatë shqetësimi mbetet i madh për pasojat që mund të ketë ky incident në marrëdhëniet diplomatike ndërkombëtare.
Ky shpërthim ka ndodhur në një periudhë kur tensionet mes shteteve të ndryshme janë të larta, duke sjellë më shumë pyetje se sa përgjigje mbi këtë ngjarje dramatike. Hetimet janë në vazhdim dhe përfundimet do të jenë të rëndësishme për të kuptuar më mirë natyrën e këtij akti.
