Për shkak të kushteve atmosferike të vështira, dy segmente rrugore në aksin Gjirokastër-Tepelenë janë bllokuar nga rrëshqitjet e dherave. Kryqëzimi i Urës së Leklit dhe zona e Shkallës së Zezë janë të bllokuara dhe kanë krijuar pengesa për qarkullimin.

Në terren janë dërguar ekipet e mirëmbajtjes, të cilët janë angazhuar në pastrimin dhe zhbllokimin e dy korsive të bllokuara.

Aktualisht, qarkullimi po vijon me vështirësi, dhe automjetet kalojnë vetëm në një korsi.