FIER – Mjeku hematolog Erblin Dollakaj është emëruar sot në krye të Spitalit Rajonal Memorial në Fier, duke zëvendësuar në këtë detyrë Irena Goxhajn.

Goxhaj drejtonte institucionin shëndetësor pas largimit nga detyra të Rudina Dëgjonit, e cila u emërua në krye të Qendrës Spitalore Universitare “Nënë Tereza” (QSUT).

Me këtë ndryshim në drejtimin e spitalit, Erblin Dollakaj merr përgjegjësinë për drejtimin e një prej institucioneve kryesore shëndetësore në qarkun e Fierit.

Dollakaj ka mbajtur më herët edhe detyrën e nëndrejtorit të Spitalit të Fierit, duke pasur kështu përvojë të mëparshme në administrimin e strukturave spitalore.