Kreu i Partisë Demokratike, Sali Berisha, ka publikuar një listë me ministra nga vende të Bashkimit Europian që janë pezulluar nga detyra gjatë periudhës së hetimeve penale. Berisha e bëri këtë deklaratë në një konferencë për mediat, duke kundërshtuar komentet e qeverisë lidhur me masat e vendosura ndaj Belinda Ballukut.
Sipas tij, raste të pezullimit të zyrtarëve të lartë në BE gjatë hetimeve janë të dokumentuara në disa vende, ndër to Rumania, Italia, Franca, Kroacia dhe Spanja. Ai përmendi emra si Dan Shova, Elena Udrea dhe Darius Valcov në Rumani; Nunzia De Girolamo në Itali; Christian Blanc dhe Charles Pasqua në Francë; Willy Claes në Belgjikë; Ivan Vrdoljak në Kroaci, si dhe raste të tjera në Spanjë.
Në deklaratën e tij, Berisha kritikoi qëndrimet e qeverisë dhe theksoi se pezullimi gjatë hetimeve është një praktikë e njohur në vendet evropiane. Ai gjithashtu përmendi edhe shembuj jashtë BE-së, si në Izrael dhe Indi, për të ilustruar rastet kur autoritetet gjyqësore kanë ndërhyrë për të pezulluar zyrtarët gjatë proceseve hetimore.
Deklaratat e Berishës vijnë në vijim të debatit publik mbi masat e GJKKO për pezullimin e Belinda Ballukut nga detyra dhe reagimin e qeverisë lidhur me këtë vendim.
