Një aksident ka ndodhur mëngjesin e kësaj të mërkure rreth orës 10:00 në autostradën Levan-Tepelenë, pikërisht në zonën e quajtur Mollaj.
Një automjet tip “Ford” ka dalë nga rruga dhe ka përfunduar i përmbysur në tokat bujqësore pranë autostradës.
Për fat të keq, drejtuesi i mjetit ka pësuar dëmtime të konsiderueshme dhe është dërguar me urgjencë drejt Spitalit Rajonal të Fierit.
Aktualisht, ai ndodhet nën kujdesin e mjekëve, të cilët po e monitorojnë nga afër gjendjen e tij shëndetësore.
Policia ka mbërritur në vendngjarje për të normalizuar trafikun dhe për të shmangur vonesa të mëtejshme për automjetet që kalojnë aty.
Ndërkohë, grupi hetimor po punon për zbardhjen e shkaqeve që çuan në këtë aksident, duke mbledhur informacione dhe dëshmi të nevojshme.
Ende nuk dihen detaje të sakta për rrethanat e aksidentit, dhe policia është duke e trajtuar rastin me kujdes për të hedhur dritë mbi shkaqet që e shkaktuan atë.
Deklarata e policisë:
Rreth orës 08:45, në aksin rrugor “Levan-Tepelenë”, shtetasi L. K., 46 vjeç (punonjës policie, jashtë shërbimit), duke drejtuar automjetin e tij, ka humbur kontrollin dhe si pasojë automjeti ka dalë nga rruga.
Nga aksidenti është dëmtuar lehtë shtetasi L. K., i cili mori ndihmën mjekësore në spital dhe është jashtë rrezikut për jetën.
Grupi hetimor dhe AMP po punojnë për sqarimin e rrethanave dhe shkakut të aksidentit.
