Tashmë jemi në muajin tetor, muajin e letërsisë, kur bibliotekat frekuentohen më shumë nga lexues, poetë dhe shkrimtarë, të cilët gjejnë në libra frymëzimin dhe hapësirën për të ndarë mendimet e tyre mbi artin dhe letërsinë.

Në , rubrikën “Intervista e Ditës”, u drejtuam në ambientet e Bibliotekës së Qytetit të Lushnjës, ku mes librave dhe atmosferës së veçantë që përcjell një bibliotekë, gjetëm poetin dhe shkrimtarin Xhemal Nexha.

Në këtë muaj të letërsisë, kamera e TV Apollon dhe gazetari Ndriçim Gjoshi zhvilluan një intervistë me shkrimtarin Nexha, duke u ndalur te letërsia, poezia, krijimtaria dhe mënyra se si po shkruhet sot.

Një pjesë e veçantë e bisedës ishte edhe promovimi dhe mbështetja e shkrimtarëve të rinj, një brez që po i afrohet letërsisë në një kohë kur teknologjia ka marrë një rol gjithnjë e më të madh në jetën e përditshme.

Shkrimtari Xhemal Nexha shprehu edhe kritikat e tij mbi mënyrën se si po krijohet sot poezi, prozë dhe romancë. Sipas tij, në shumë raste teknologjia po zë një hapësirë të madhe në procesin krijues, ndërsa ajo që duhet të mbetet në qendër është ndjenja, përvoja, imagjinata dhe origjinaliteti i vetë poetit apo shkrimtarit.

Por, çfarë mendon një shkrimtar për letërsinë që po shkruhet sot? A po ndikon teknologjia në mënyrën e të shkruarit? Çfarë vendi zënë poetët dhe shkrimtarët e rinj në letërsinë shqiptare dhe sa e rëndësishme është të ruhet autenticiteti i krijuesit?

Për këto dhe të tjera, ndiqni intervistën e poetit dhe shkrimtarit Xhemal Nexha,