Një tjetër vatër zjarri është regjistruar mbrëmjen e djeshme në fshatin Drenovë, në bashkinë Mallakastër. Sipas të dhënave paraprake, flakët kanë rënë pranë qendrës së fshatit, duke shkaktuar alarm te banorët.
Menjëherë në vendngjarje kanë mbërritur forcat zjarrfikëse të Mallakastrës, të cilat po punojnë për izolimin e flakëve dhe parandalimin e përhapjes së tyre në një sipërfaqe më të gjerë. Deri më tani nuk raportohet për banesa të rrezikuara apo persona të lënduar, ndërsa shkaqet e rënies së zjarrit mbeten ende të paqarta.