Portretet e dy kryetareve të fundit të Kuvendit të Shqipërisë, Elisa Spiropali dhe Lindita Nikolla, janë shtuar në galerinë zyrtare të Kryetarëve të Parlamentit.

Së fundmi, Kuvendi ka realizuar portretet e dy ish-kryeparlamentareve, të cilat tashmë janë vendosur në ambientet e institucionit, në vijim të traditës së ekspozimit të figurave që kanë drejtuar legjislativin ndër vite.

Galeria e Kryetarëve të Kuvendit përfshin portretet e të gjithë drejtuesve të Parlamentit përgjatë legjislaturave të ndryshme. Mes tyre janë edhe Pjetër Arbnori, Skënder Gjinushi, Namik Dokle, Servet Pëllumbi, Jozefina Topalli, Ilir Meta, Gramoz Ruçi, si dhe të tjerë që kanë mbajtur këtë detyrë.