Është ndarë nga jeta në moshën 97-vjeçare një nga figurat më të shquara të sportit dhe qytetarisë vlonjate – profesor Pandeli Opingari, i njohur nga të gjithë me dashuri si Pompi.

I përkushtuar gjithë jetën edukimit fizik, futbollit, dhe brezave të rinj, ai ishte më shumë se një mësues, futbollist dhe trajner – ishte një model qytetarie, kulturë dhe dashurie për sportin.

Ndonëse dukej se vdekja nuk kishte vend përkrah një figure kaq vitale dhe të dashur, një aksident tragjik ia ndërpreu rrugëtimin në mënyrë të papritur.

Vlorës i mungon tashmë një emër i rrallë, një zemër e madhe dhe një njeri që la gjurmë të pashlyeshme në historinë e sportit vendas.

Lamtumirë, profesor Pompi!
Parajsa u bë shtëpia jote e re, atje ku legjendat prehen në paqe.