Një zjarr masiv ka përfshirë disa ndërtesa banimi në zonën Tai Po të Hong Kongut, duke shkaktuar të paktën 36 viktima. Autoritetet raportojnë se 279 persona ende nuk janë gjetur.
Më shumë se 800 zjarrfikës ndodhen në vendngjarje duke luftuar me flakët në kompleksin Wang Fuk Court. Shefi i ekzekutivit të Hong Kongut, John Lee, njoftoi se situata po vihet gradualisht nën kontroll.
Mediet lokale raportojnë se gjatë operacioneve të natës është shpëtuar një foshnjë dhe një grua e moshuar. Ndërkohë, qeveria ka nderuar një zjarrfikës 37-vjeçar që humbi jetën duke luftuar me flakët, duke e cilësuar atë si “të përkushtuar dhe trim”.
Banorët po kërkojnë ndihmë nga autoritetet pasi nuk kanë mundur të kontaktojnë të afërmit e tyre që ndodheshin brenda ndërtesave, ka shpjeguar një këshilltar lokal.
Zjarri është klasifikuar në nivelin pesë, niveli më i lartë i emergjencës në Hong Kong. Sipas raporteve të mediave, tre persona janë arrestuar nën dyshimin për vrasje nga pakujdesia, ndërsa autoritetet pritet të mbajnë një konferencë për shtyp së shpejti.
