Këshilli i Ministrave ka miratuar sot vendimin për shpërblimin e pensionistëve dhe kategorive të veçanta me rastin e festave të fundvitit. Sipas vendimit, bonusi varion nga dhjetë mijë deri në pesëmbëdhjetë mijë lekë, në varësi të masës së pensionit dhe kategorisë së përfituesve.
Sipas njoftimit, pensionistët që marrin pension deri në njëzet mijë lekë do të përfitojnë pesëmbëdhjetë mijë lekë, ndërsa ata që marrin pension mbi njëzet mijë lekë do të marrin dhjetë mijë lekë. Po ashtu, përfitojnë edhe persona që marrin trajtime të veçanta financiare, pensione suplementare, pensione familjare, pensione invaliditeti, apo trajtime sipas ligjeve të posaçme.
Shuma totale e parashikuar për shpërblimet është dhjetë miliardë e katërqind e katër milionë e pesëqind e pesëmbëdhjetë mijë lekë, e cila do të përballohet kryesisht nga fondi i bonusit të pensionistëve, si dhe nga buxheti i sigurimeve shoqërore.
Pagesat do të kryhen gjatë muajit dhjetor njëzet e pesë, dhe në rast se nuk disbursohen brenda këtij muaji, do të jepen deri më tridhjetë qershor dy mijë e njëzet e gjashtë. Shpërblimet e patërhequra pas kësaj date konsiderohen të parashkruara.
Institucionet përgjegjëse për zbatimin e vendimit janë Ministria e Ekonomisë dhe Inovacionit, Ministria e Financave, Instituti i Sigurimeve Shoqërore dhe Posta Shqiptare.
