Shqipëria kërkon vëndin e dytë në garën e Botërorit 2026

Pas ndeshjeve të fundit në grup, Shqipëria zbret në vendin e tretë dhe përballet me një sfidë vendimtare ndaj Letonisë të martën në mbrëmje.

Anglia ka konsoliduar pozitat në krye të grupit K duke marrë fitoren e katërt radhazi dhe duke grumbulluar 12 pikë të plota. Ekipi i “Tre Luanëve” po shfaqet si favorit i padiskutueshëm për kualifikimin.

Në ndjekje të tyre qëndron Serbia, e cila ka zhvilluar vetëm 3 ndeshje, por ka siguruar 7 pikë me dy fitore dhe një barazim kundër Shqipërisë. Ky rezultat e mban kombëtaren ballkanase në vendin e dytë dhe me shumë mundësi për të avancuar.

Shqipëria, nga ana tjetër, ka luajtur 4 takime dhe ka mbledhur vetëm 5 pikë. Kombëtarja kuqezi duhet të tregojë forcë dhe vendosmëri në takimet e mbetura për të mbajtur gjallë shpresat për Botëror.

Në pjesën e poshtme të tabelës, Letonia është në vendin e katërt, ndërsa Andorra mbetet pa asnjë pikë pas pesë ndeshjesh dhe praktikisht jashtë çdo mundësie për kualifikim.

Të martën, ora 20:45, do të zhvillohen dy takime vendimtare: Serbia pret Anglinë në një përballje të fortë, ndërsa Shqipëria luan në shtëpi ndaj Letonisë. Për kuqezinjtë, fitorja është e vetmja alternativë për të qëndruar në garë.

Ky takim në “Air Albania” do të jetë një provë karakteri për ekipin, i cili duhet të shfrytëzojë mbështetjen e tifozëve dhe potencialin e lojtarëve për të marrë tre pikët jetike.