Një zjarr në një plantacion me shegë në Qerret të Ri përfshiu sipërfaqe të konsiderueshme, ndërsa zjarrfikësit ndërhynë menjëherë për ta neutralizuar
Një ngjarje e papritur ka ndodhur këtë të shtunë rreth orës 15:30 në fshatin Qerret i Ri, pjesë e njësisë administrative Fiershegan në Bashkinë e Lushnjës. Një zjarr ka përfshirë një plantacion me shegë në pronësi të familjes së Saimir Xhemil Koklës.
Sapo është konstatuar zjarri, në vendngjarje kanë mbërritur shërbimet e zjarrfikëse, raporton gazetari Ndriçim Gjoshi. Reagimi i shpejtë i forcave të zjarrfikëses bëri të mundur që flakët të izoloheshin në kohë dhe të parandalohej përhapja e tyre në sipërfaqe më të gjera.
Ende nuk ka informacion zyrtar mbi shkaqet e shpërthimit të zjarrit. Autoritetet lokale kanë ngritur menjëherë një grup hetimor për të analizuar rrethanat dhe për të përcaktuar nëse bëhet fjalë për një ngjarje aksidentale apo të qëllimshme.
Dëmet materiale në plantacion janë të konsiderueshme, por për fat të mirë nuk raportohet për të lënduar në njerëz. Familja pronare ndodhej në zonë gjatë momentit të incidentit, por fatmirësisht nuk ka pasur rrezik për jetën e tyre.
Zjarri është vënë nën kontroll pas disa orësh punë të forcave zjarrfikëse, të cilët u përballën me vështirësi për shkak të erës dhe temperaturave të larta. Terreni i vështirë dhe bimësia e dendur përbënin sfidë për ndërhyrjen efektive.
