Afërdita Salillari, bashkëshortja e biznesmenit Pëllumb Salillari, ka ndërruar jetë në moshën 64 vjeçare. Sipërmarrësja e kompanisë “Bervi Construction” ishte prej kohësh në një betejë me kancerin, por fatkeqësisht sot ka mbyllur sytë përgjithmonë.

Familja dhe kompania e drejtuar nga Pëllumb Salillari kanë dalë me një mesazh mortor për miqtë dhe të gjithë të njohurit, se pritjet do të bëhen në Tiranë dhe nesër Afërdita Salillari do të përcillet për në varrezat e Sharrës.

“Me hidhërim të thellë njoftojmë ndarjen nga jeta të së nderuarës Znj. Afërdita Salillari. Pritja mortore do të zhvillohet në shtëpinë funerale Alba 2000, në Rrugën e Durrësit dhe ceremonia e varrimit do të mbahet ditën e mërkurë, 4 mars, ora 11:00, në varrezat e Sharrës.”

Çifti Pëllumb dhe Afërdita Salillari janë përfshirë prej vitesh në fushën e ndërtimit të objekteve infrastrukturore dhe civile, me kompanitë “Salillari” e “Bervi Construction”, ndërsa nga martesa kanë dhe dy djem, Besmirin dhe Ervisin.