Një 35-vjeçar në Laç është proceduar penalisht, pasi dyshohet se ka vrarë me armë zjarri qenin e një shtetasi.

Sipas njoftimit të Policisë, materialet janë referuar në Prokurori dhe ka nisur procedimi penal ndaj shtetasit E. K., 35 vjeç, banues në Laç, i cili dyshohet se ka qëlluar me pistoletën që e mbante me leje.

Arma e zjarrit, tip pistoletë, është sekuestruar në cilësinë e provës materiale, ndërsa hetimet vijojnë për sqarimin e plotë të rrethanave të ngjarjes.