Shkolla 9-vjeçare në Karbunarë të Lushnjës do të hapë dyert me kushte moderne dhe hapësira të zgjeruara për nxënësit dhe mësuesit në fillim të vitit të ri shkollor.
Pas një rinovimi të thellë, shkolla 9-vjeçare “Hysen Xheka” në Karbunarë të Lushnjës ka marrë një pamje krejtësisht të re dhe bashkëkohore. Ky investim do të sigurojë kushte dinjitoze dhe më shumë hapësira, ku nxënësit dhe stafi arsimor do të zhvillojnë aktivitetet e tyre mësimore dhe jashtëshkollore me lehtësi.
Rikonstruksioni përfshin ambiente me standarde të larta,laboratorë të pajisur mirë, hapësira të dedikuara për aktivitete kulturore dhe sportive, si dhe zona të gjelbra për pushim dhe relaksim. Këto përmirësime synojnë të krijojnë një mjedis stimulues dhe të përshtatshëm për të nxitur kreativitetin dhe angazhimin e nxënësve.
Ky projekt është pjesë e një nisme më të gjerë kombëtare për modernizimin e infrastrukturës arsimore në Shqipëri. Qëllimi është që të krijohen kushtet optimale për mësimdhënie cilësore dhe zhvillim të qëndrueshëm të brezave të ardhshëm.
Shkolla e rikonstruktuar në Karbunarë do të jetë gati për t’u përdorur në shtator, kur nis viti i ri shkollor. Nxënësit dhe mësuesit do të gjejnë një ambient të ri, të përmirësuar, i cili do të ndikojë pozitivisht në procesin arsimor.
Përpjekjet për rindërtimin e kësaj shkolle pasqyrojnë edhe rëndësinë që i kushtohet edukimit si bazë e zhvillimit të shoqërisë dhe të ardhmes së vendit.
Megjithatë popullsia vjen gjithmonë duke u tkurrur edhe fëmijët e Shqipërisë po largohen dita- ditës bashkë me prindërit e tyre larg Shqipërisë.
