Arijon Ibrahimovic transferohet te Heidenheim në huazim nga Bayern, 19-vjeçari shqiptar i bashkohet elitës gjermane për sezonin e ardhshëm
Heidenheim ka zyrtarizuar afrimin e futbollistit Arijon Ibrahimovic, i cili do të luajë me klubin gjerman gjatë sezonit të ri në Bundesligë. Lëvizja u finalizua në formë huazimi nga Bayern, me pritshmëri të larta për performancën e sulmuesit shqiptar.
19-vjeçari, që është konsideruar prej kohësh si një prej talenteve më premtues të brezit të ri, zgjodhi Heidenheimin pas negociatave të frytshme me drejtuesit e klubit. Ibrahimovic u shpreh i entuziast për sfidën e re, duke theksuar rëndësinë që kanë pasur bisedat me trajnerin Frank Schmidt dhe drejtuesin Holger Sanwald në vendimmarrjen e tij.
“Jam shumë i emocionuar që do të jem pjesë e Heidenheimit në Bundesligë. Pas bisedave të fundit, jam i bindur që ky është vendi i duhur për mua në këtë fazë të karrierës,” tha lojtari pas nënshkrimit të marrëveshjes.
Ky hap i ri përfaqëson një mundësi të artë për Ibrahimovic që të provojë veten në elitën e futbollit gjerman dhe të fitojë minuta të vlefshme në fushën e lojës, diçka që i mungonte te skuadra e parë e Bayern.
Me këtë huazim, Heidenheim fiton një sulmues me teknikë dhe potencial, ndërsa lojtari shqiptar do të synojë të lërë gjurmë në një nga kampionatet më konkurruese të Evropës.
Debutimi i tij pritet të jetë një nga momentet më të ndjekura të javëve të para të sezonit të ri, teksa tifozët shqiptarë do ta ndjekin me interes rrugëtimin e tij në Bundesligë.
