Një 29-vjeçar është gjetur i pajetë brenda automjetit në parkimin e pallatit ku banonte, pa shenja dhune apo paralajmërim paraprak.
Një ngjarje e rëndë ka tronditur zonën e Astirit në Tiranë. Një i ri, vetëm 29 vjeç, është gjetur pa shenja jete brenda makinës së tij të parkuar poshtë pallatit ku banonte. Ishin vetë familjarët që e zbuluan ngjarjen tragjike mëngjesin e 16 korrikut.
Sipas burimeve zyrtare, bëhet fjalë për shtetasin E. D., i cili jetonte në një nga pallatet e zonës. Trupi i tij u gjet në sediljen e përparme të automjetit, i palëvizur dhe pa ndonjë gjurmë dhune në trup.
Policia mbërriti menjëherë në vendngjarje, ndërkohë që grupi hetimor nisi menjëherë ekzaminimin e rrethanave. Ende nuk ka një përfundim për shkaqet e vdekjes, ndërsa po mblidhen prova dhe dëshmi për të kuptuar nëse bëhet fjalë për një ndalim të papritur të zemrës apo një tjetër shkak më i ndërlikuar.
Të afërmit e të ndjerit janë në gjendje tronditëss dhe kanë refuzuar të komentojnë për mediat. Ata ishin të parët që vunë re mungesën e tij dhe e gjetën në automjet pas kërkimeve të përsëritura në zonë.
Hetimet vijojnë dhe pritet që rezultatet e autopsisë të hedhin më shumë dritë mbi këtë ngjarje të rëndë, që aktualisht mbetet një mister i plotë për autoritetet.
Astiri, një zonë që zakonisht nuk raporton ngjarje të tilla, është përfshirë nga ndjenja pasigurie mes banorëve, ndërsa komuniteti pret zbardhjen e shpejtë të kësaj tragjedie.
