SPAK i ka kërkuar Ministrisë së Brendshme të gjithë praktikën e shpërndarjes së banesave për të pastrehët gjatë kohës kur Flamur Noka ishte kryetar i Bordit të Entit Kombëtar të Banesave. Gjithashtu, BKH po heton mënyrën dhe rrethanat se si familjarët e Flamur Nokës u bënë pronarë të banesave të të pastrehëve, si dhe rolin e Nokës.
Hetimet në SPAK për pastrim parash për Nokën! Pamjet nga pallati luksoz ku jeton në Tiranë, e bleu me 794 € m², por vlen 4.000 € m²
SPAK nis zyrtarisht hetim pasuror për Flamur Nokën dhe familjen e tij
SPAK intensifikon hetimet për Flamur Nokën, administron dosjen e ndarjes së banesave të shtetit për familjarët e tij në Sarandë, skema që përdori
Flamur Noka dhe dokumenti i emërimit në krye të Entit Kombëtar të Banesave në 2006
Më shumë se një vit nga regjistrimi i procedimit penal, SPAK ka thelluar dhe intensifikuar hetimet për deputetin e Partisë Demokratike, Flamur Noka, i cili dyshohet për fshehje pasurie, pastrim parash dhe shpërdorim detyre.
Përpos hetimit pasuror, ku Noka dyshohet se ka fshehur një vilë në Gjirin e Lalzit, deputeti i PD po hetohet për veprimtarinë e paligjshme gjatë kohës kur ishte drejtor i Bordit të Entit Kombëtar të Banesave (viti 2008), ku duke përdorur funksionin publik u dha katër banesa nga fondi i të pastrehëve në qytetin e Sarandës familjarëve të tij, dy vëllezërve që jetonin në Belgjikë, gruas së vëllait dhe motrës që jeton në Kamëz.
Burime bëjnë me dije se SPAK i ka kërkuar Ministrisë së Brendshme të gjithë praktikën e shpërndarjes së banesave për të pastrehët gjatë kohës kur Flamur Noka ishte kryetar i Bordit të Entit Kombëtar të Banesave. Gjithashtu, BKH po heton mënyrën dhe rrethanat se si familjarët e Flamur Nokës u bënë pronarë të banesave të të pastrehëve si dhe rolin e Nokës. Sipas burimeve, do të pyeten familjarët përfitues të Nokës, anëtarët e Bordit të EKB-së dhe kryetari i entit në atë kohë.
Si u emërua Noka në EKB
Në vitin 2006, 16 vjet pas nisjes së studimeve, Flamur Noka, aktualisht sekretar i Përgjithshëm i PD-së, shkruan se është specializuar si mjek onkolog pranë QSUT.
Në vend që të punonte si mjek onkolog, çuditërisht, në 31 mars të vitit 2006, Lulzim Basha, në atë kohë ministër i Brendshëm, emëron Flamur Nokën anëtar të Këshillit Drejtues të Entit Kombëtar të Banesave.
Në 30 shtator 2009, Sokol Olldashi, në atë kohë ministër i Transporteve, shkarkon Flamur Nokën si anëtar i Këshillit Drejtues të Entit Kombëtar të Banesave, pasi Noka ishte zgjedhur deputet. Duket se Noka nuk synonte thjesht të merrte një rrogë te Enti Kombëtar i Banesave.
Një muaj pasi largohet nga EKB, më 1 nëntor 2009, Flamur Noka përfiton një kredi 50 mijë euro me zero interes si i pastrehë nga Enti Kombëtar i Banesave, duke blerë një apartament me sipërfaqe 83.7 m² në ish-Bllok.
Tre vjet më vonë, Noka, apartamentin që bleu rreth 50 mijë euro në ish-Bllok (kati 8, pallat i vjetër) me kredinë si i pastrehë, e shet për 180 mijë euro.
Me këto 180 mijë euro, Noka blen 260 m² apartament dhe garazh në zonën më të shtrenjtë të Tiranës, te Liqeni, kur në fakt vlera është 4–5 herë më e lartë. Nga manovra me shitjen e apartamentit 83 m² në katin e 8, duke blerë një pasuri me vlerë rreth 1 milion euro, Nokës i teprojnë edhe 6.4 mijë euro.
Pra, ka blerë me 800 euro/m² në zonën më të shtrenjtë të Tiranës (kati II), ndërsa ka shitur me 2.1 mijë euro/m² në një zonë më të lirë (kati 
. (Shtëpia e Mulit te Liqeni, bashkë me garazhin dopio, kushton rreth 1 milion euro).
Për tre vite, Flamur Noka, falë shfrytëzimit të pushtetit, nga i pastrehë bëhet me pasuri rreth 1 milion euro.
Banesa për familjarët e tij
Flamur Noka nuk ka menduar për t’u pasuruar vetëm vetë, duke abuzuar me pushtetin, por edhe familjarët e tij si anëtar dhe më pas si kryetar i Bordit të Entit Kombëtar të Banesave.
Kjo është një listë zyrtare me 73 persona, të cilët kanë përfituar banesa si të pastrehë në Sarandë nga Enti Kombëtar i Banesave.
Mes përfituesve rezulton edhe shtetësja Lule Basha, e cila është motra e Flamur Nokës. Lidhja e vetme e zonjës me qytetin e Sarandës duket se është vetëm pozita e vëllait në Entin Kombëtar të Banesave, ent të cilin duket se e ka përdorur për përfitime të paligjshme personale dhe familjare.
Mes përfituesve të apartamenteve në Sarandë nga Enti Kombëtar i Banesave rezultojnë edhe Lulzim dhe Mevlan Noka, të cilët raportohet se janë vëllezërit e Flamur Nokës. Mes përfituesve të banesave është edhe një shtetase belge, Luçinda Faket, e cila raportohet se është bashkëshortja e vëllait të Flamur Nokës. Pikërisht këto fakte të abuzimit me pushtetin për përfitime të kundërligjshme personale/familjare po hetohen nga SPAK.
