Finalja e Kupës së Botës për Klube mbyllet me skena turpi, Donnarumma dhe Luis Enrique sulmojnë lojtarin e Chelsea pas humbjes 3-0
Chelsea fitoi thellë ndaj PSG-së me rezultatin 3-0 në finalen e Kupës së Botës për Klube, por triumfi u errësua nga një përplasje e ashpër pas përfundimit të ndeshjes. Momente tensioni shpërthyen në fushë, duke përfshirë emra të rëndësishëm të ekipit francez.
Portieri Gianluigi Donnarumma nuk e përballoi dot humbjen dhe reagoi në mënyrë të dhunshme, duke goditur sulmuesin e Chelsea-t, Zhoao Pedro. Goditja e tij ishte aq e fortë sa lojtari i bluve përfundoi i shtrirë në fushë, përballë habisë së të gjithëve.
Situata u përshkallëzua më tej kur edhe trajneri Luis Enrique u përfshi në incident, duke treguar një sjellje agresive për të cilën pritet të ketë pasoja disiplinore. Edhe mbrojtësi Achraf Hakimi, i PSG-së, nuk mbeti jashtë ngjarjes, duke kontribuar në kaosin që përfshiu të dyja skuadrat.
Pamjet e incidentit janë bërë virale në rrjetet sociale, duke ngjallur reagime të shumta nga tifozë dhe ekspertë të futbollit. Shumë prej tyre e kanë cilësuar këtë sjellje si të papranueshme për nivelin e një finaleje ndërkombëtare.
Federata Ndërkombëtare pritet të reagojë zyrtarisht në orët në vijim, ndërsa sanksionet ndaj lojtarëve dhe trajnerëve të përfshirë duken të pashmangshme. Zyrtarë të Chelsea-t kanë kërkuar ndërhyrje të menjëhershme të organeve kompetente për ndëshkimin e akteve të dhunshme.
Ky episod e njollos fitoren e merituar të Chelsea-t dhe vendos në qendër të kritikave një PSG që edhe këtë herë nuk arriti të ruajë profesionalizmin në momente të vështira. Përveç rezultatit, kjo finale do të mbahet mend për skandalin që ndodhi pas fishkëllimës së fundit.
This defeat really pain psg
— mata (@SondeFrancis) July 13, 2025
They come result to fighting pic.twitter.com/XHfkfPivgD
