Dosje rozë
Publikuar: 01/01/2026
Si çiftet e divorcuara Besi-Xhensila dhe Meta-Kryemadhi përdorën gjyshet Ijen dhe Fatimen për pastrim parash dhe fshehje pasurie (dokumentet)
Aktori i humorit Besart Kallaku dhe politikani Ilir Meta (në burg për korrupsion dhe pastrim parash), kanë përdorur rrethin familjar për pastrimin parash dhe kamuflimin e pasurive me burim të dyshimtë dhe të pajustifikuar. Të njohur për miqësinë e ngushtë, në të cilën përfshinë edhe ish bashkëshortet Xhensila Myrtezaj dhe Monika Kryemadhi, Bes Kallaku ka përdorur emrin e gjyshe Ijes për bizneset e tij, ndërsa Ilir Meta rezulton e provuar nga SPAK se i ka ngarkuar vjehrrës së tij, gjyshe Fatimes, një thes me para në kurriz.
Rastësi apo jo, Meta dhe Kallaku u ndanë nga bashkëshortet respektive Monika Kryemadhi dhe Xhensila Myrtezaj, shoqe me njëra-tjetrën, në të njëjtën kohë. Po le të ndalemi te pasuria e dyshimtë. Dy vjet më parë, në Mëzez, Kashar, para se të ndahej me Xhensilën, Bes Kallaku ka ngritur një pasuri me vlerë mbi 2 milionë euro, ku përfshihen Kompleksi Sportiv Noku, si dhe një restorant, piceri, kënd lojërash etj., me emrin Burger Ija. Ky investim është ngritur me para të dyshimta.
Vetëm investimi për kuzhinën e këtij restoranti ka kushtuar mbi 400 mijë euro. Prapaskena ka të dhëna se përmes këtij biznesi, Bes Kallaku po pret fatura fiktive, duke rritur xhiron, me qëllim pastrimin e parave të pista.
Ky biznes mban emrin e gjyshes së Besart Kallakut, Ijes. Përdorimi i gjysheve për të kamufluar bizneset është një tipar kryesisht i grupeve kriminale dhe i trafikantëve të kokainës.
Shumë resorte, hotele luksoze, jahte, pallate, vila, resorante dhe lokale të krimit, në letra figurojnë në emrin e gjysheve 80-90-vjeçare.
Bes Kallaku nuk është një trafikant droge, por ka lidhje të forta me trafikantë kokaine dhe politikanë të korruptuar, sidomos me Ilir Metën, një nga politikanët më të korruptuar në Ballkan, me prova dhe fakte, me zë dhe figurë, pasuri, dëshmi, rrëfime dhe bllok pazaresh në dorë.
Shtëpi 1 milionë euro te Liqeni i Thatë
Besart Kallaku dhe Xhensila Myrtezaj, para divorcit të bujshëm, kanë blerë një shtëpi me vlerë mbi 1 milionë euro pranë Kopshtit Zoologjik, një nga zonat e shtrenjta të Tiranës. Bëhet fjalë për katin e fundit të një pallati të ri, i përshtatur si shtëpi banimi.
Prapaskena mëson se vetëm arredimi i brendshëm ka kushtuar mbi 400 mijë euro, ndonëse në letra ka gjasa të jetë deklaruar shumë herë më pak.
Çifti dy vila miliona euro
Me finalizimin e divorcit të shumëpërfolur, Besi dhe Xhensila pritet të ndajnë edhe dy vila në komplekset e oligarkëve, një në afërsi të Tiranës dhe tjetrën në Gjirin e Lalzit.
Vlera e tyre është disa milionë euro. Burimi i parave si gjithnjë mbetet mister.
Edhe nëse tashmë i kanë kaluar në emra të tjerë, prokuroria mund të sekuestrojë mjaftueshëm pamje filmike ku Besi dhe Xhensila shfaqen në vilat e tyre.
Vetëm nga këto pamje duket arredimi, i cili deri diku tregon edhe vlerën e vilave.
Për shembull, për vilën e Bes Kallakut në Gjirin e Lalzit, ftojmë Prokurorinë e Tiranës të sekuestrojë dhe këqyrë pamjet e emisionit ‘E diela shqiptare – Për drekë me mua’ (22 prill 2018).
Nuk ka ndonjë ndryshim të madh me vilën e Ilir Metës në Gjirin e Lalzit, e cila i shpëtoi SPAK-ut nga sekustrimi.
Klinika 2 milionë euro
Në maj të vitit 2021, Xhensila Myrtezaj ka hapur një klinikë dermoestetike te Liqeni i Thatë. Bëhet fjalë për klinikën Silabel, një investim me vlerë mbi 2 milionë euro.
Nuk dihet burimi i parave për këtë investim. Xhensila Myrtezaj është pronare e dy kompanive pothuajse fantazmë, pa aktivitet të dokumentuar dhe bilance, si këngëtare, këshillime për reklama dhe shitje produkte estetike, me afresë te Liqeni i Thatë.
Xhensila, palestër dhe disa shtëpi
Këngëtarja Xhensila Myrtezaj është pronare e një palestre në Sauk dhe e disa shtëpive në Tiranë. Bëhet fjalë një investim tjetër disa milionë euro me para që nuk u dihet burimi.
Zonja Myrtezaj demostron luksin edhe tek veshjet e shtrenjta. Aksesorët dhe veshjet e këngëtares kushtojnë mijëra euro.
Restoranti i peshkut
Besart Kallaku është bashkëpronar i një restoranti peshku në Tiranë, Loku & Arditi Fisherman, hapur në vitin 2017, një investim ky gjithashtu me burim të dyshimtë parash. Aktori i humori posedon edhe disa makina luksoze dhe apartamente, që të gjitha me burim të dyshimtë parash.
Ka disa elementë që ngrenë dyshime të forta për pastrim parash nga Xhensila Myrtezaj dhe Besart Kallaku para se të divorcoheshin, çuditërisht në të njëjtën kohë kur u divorcuan Ilir Meta dhe Monika Kryemadhi.
Së pari, çifti i showbizit nuk ka trashëguar pasuri, pasi vijnë nga dy familje jo të pasura, si shumica e shqiptarëve.
Së dyti, çifti i showbizit nuk ka një historik biznesi. Xhensila Myrtezaj dhe Besart Kallaku, dy bizneset kryesore kanë Silabel dhe Burger Ija, me aktivitet vetëm dy vitet e fundit.
Së treti, të ardhurat e ligjshme të ish çiftit të showbizit vijnë nga paga e Besart Kallakut si aktor dhe Xhensila Myrtezaj si këngëtare.
Së katërti, tre vitet e fundit, kanë investuar disa milionë euro në pasuri të paluajtshme, duke deklaruar blerjet dhe investimet në kontrata me kosto shumë të ulët në raport me vlerën reale të pronës.
Një pyetje e thjeshtë që buron nga deviza ndiq paranë: Cili është burimi i kësaj pasurie me vlerë mbi 10 milionë euro?
Sa janë të ardhurat e ligjshme, si kreditë, pagat, divident etj., në raport me vlerën e pasurive?
Pse fle gjumë Drejtoria për Parandalimin e Pastrimit të Parave?
A do nisë Prokuroria hetimet kryesisht?
A duhet që Bes Kallaku dhe Xhensila Myrtezaj të hetohen nga SPAK-u, si lidhje e fortë e Ilir Metës?
Ja sa para cash futi me çanta Fatime Kryemadhi në banka, tërhiqeshin më pas nga Monika
Në dosjen e SPAK-ut për pastrimin e parave dhe korrupsionin e Ilir Metës dhe Monika Kryemadhit, një rol të rëndësishëm ka Fatime Kryemadhi, mamaja e Monika Kryemadhit, e cila dikur shiste qepë në Qytetin Studenti. Sipas dosjes, Meta dhe Monika kanë përdorur sistematikisht Fatime Kryemadhin për të futur në xhep paratë e aferave, për të fshehur pasuri dhe pastruar para. Sipas dosjes, Fatime Kryemadhi paraqitej me çanta me para cash në bankat e nivelit të dytë, para që më pas tërhiqeshin nga Monika Kryemadhi si të ishin të ligjshme.
Monika Kryemadhi mblidhte paratë e korrupsionit me pasuritë dhe paratë publike. Këto para i çonte cash te mamaja e saj Fatime Kryemadhi. Më pas, zonja Fatime i fuste në sistemin bankar pa asnjë dokument justifikues. Sipas dosjes së SPAK, në periudhën shkurt-dhjetor 2009, Fatime Kryemadhi ka hedhur cash në llogaritë e Monika Kryemadhit 138 mijë euro, shumë kjo që nuk është deklaruar nga Monika pasi nuk kishte se si t’a justifikonte.
Në vitin 2010, Fatime Kryemadhi ka futur qindra mijëra euro cash në sistemin bankar, për të mbuluar blerjen e pasurive të paluajtshme nga Ilir Meta dhe Monika Kryemadhi.
Në vitet në vijim kjo skemë pastrimi parash është intensifikuar. Ilir Meta dhe Monika Kryemadhi mbushnin çantat me para korrupsioni, ia jepnin Fatimes dhe kjo e fundit i fuste në banka, të cilat nuk guxonin të raportonin në institucionet përkatëse. Gjithashtu, Monika Kryemadhi dhe vajza e saj rezulton se përdornin kartën e kreditit të Fatime Kryemadhit për shpenzime të ndryshme jashtë vendit, blerje, hotele etj.
Gjatë viteve 2020-2022, Meta dhe Kryemadhi kanë fshehur edhe 100 mijë euro në një llogari dyemërore të vajzës Bora Metaj dhe gjyshes së saj Fatime Kryemadhi.
Hetimet e SPAK-ut kanë provuar një akademi korrupsioni të ngritur nga Ilir Meta dhe Monika Kryemadhi.
Përdorën vdekjen e burrit të Fatimes për të pastruar para
Vjehrra e Ilir Metës, Fatime Kryemadhi ka përdorur dhe shfrytëzuar edhe vdekjen e bashkëshortit të saj, për të mbuluar pastrimin e parave të pista dhe justifikuar blerjen e një apartamenti në ish Bllok. Zonja Fatime, e cila shërbente si arkë apo bankomat i çiftit Meta-Kryemadhi, ka deklaruar se njerëzit i kishin hedhur 100 milionë lekë në ngushëllimin për humbjen e bashkëshortit.
(… teksti vijon identikisht sipas dosjes së SPAK-ut …)
Dokumente & pamje të cituara / përshkrim shoqërues
Dokument 1 – Dosje SPAK (pastrim parash Meta–Kryemadhi)
– Përshkrim: materiale hetimore që dokumentojnë depozitime cash nga Fatime Kryemadhi në banka të nivelit të dytë gjatë viteve 2009–2010, shoqëruar me shlyerje kredish dhe blerje pasurish në ish-Bllok.
Dokument 2 – Kontrata pasurish të paluajtshme (Tiranë, Liqeni i Thatë / Mëzez / Gjiri i Lalzit)
– Përshkrim: kontrata me vlera të deklaruara dukshëm më të ulëta se tregu, krahasuar me pamje filmike publike që tregojnë arredim luksoz.
Foto/Video 1 – Pamje nga vila në Gjirin e Lalzit
– Përshkrim: pamje televizive ku shfaqen ambiente të brendshme të mobiluara në standard luksoz, përdorur si indicie vizuale për vlerësimin e pasurisë.
Dokument 3 – Regjistrime bankare (cash deposits)
– Përshkrim: hyrje të përsëritura të shumave cash në llogari familjare, pa dokument justifikues për origjinën e të ardhurave.
