Një ditë e shënuar për besimtarët e krishterë ka zbukuruar Lushnjën, pasi në Golem, me një ceremoni të veçantë, janë nisur punimet për rindërtimin e kishës së Shën Mërisë.
Ndërtuar fillimisht në vitin 1800, kisha ka shërbyer me devotshmëri komunitetit deri në vitin 1967, kur u shemb nga themelet nën ndikimin e sistemit komunist, duke u shndërruar më pas në kazermë ushtrie.
Sot, me kontribut financiar nga Kisha Ortodokse Autoqefale të Shqipërisë, ndërtesa historike po ringjall, duke simbolizuar një rikthim të rëndësishëm për komunitetin fetar.
Ceremonia ka pasur praninë e përfaqësuesve të klerit ortodoks, përfshirë mitropolitin e Beratit Vlorës Kaninës dhe Myzeqesë, i cili drejtoi meshën, si dhe kryetaren e bashkisë së Lushnjes, zonjën Eriselda Sefa.
Mitropolit theksoi rëndësinë e këtij projekti, duke sinjalizuar se rindërtimi i kishës sjell për besimtarët një objekt kulti që u mungua ndër vite.
Zonja Eriselda Sefa theksoi se institucionet vendore i kushtojnë një vëmendje të veçantë ndërtimit dhe rindërtimit të objekteve të kultit, për të ruajtur identitetin dhe trashëgiminë kulturore.
Arkitektura e re, që përfshin elementë modern dhe ruan vlerat autentike historike, është dëshmi e përpjekjeve për të rikthyer një monument prej mbi 200 vjetësh.
Prifti i kishës, at Josifi, shprehu mirënjohje ndaj hirësisë personale, autoriteteve vendore dhe të gjithë kontribuesve, të cilët mundësuan këtë projekt të rëndësishëm për komunitetin.
