Kryeministri Edi Rama ka nisur një seri përgjigjesh ndaj komentuesve në rrjetet sociale, të cilat do të zhvillohen me lidhje live çdo të martë dhe të enjte në orën 08:30.
Kjo nismë e qeverisë ka për qëllim të ofrojë transparencë dhe të ndihmojë në sqarimin e çështjeve që shqetësojnë qytetarët.
Në fillim të diskutimit, Rama theksoi rëndësinë e regjistrimit për votën e diasporës, një nismë që ka tërhequr vëmendje të madhe nga shqiptarët jashtë vendit. Megjithatë, një nga temat që ka ngjallur debat ka qenë ai i “shtetit Bektashi”. Duke iu përgjigjur një komentuesi, Rama dha më shumë detaje në lidhje me këtë koncept.
Ai sqaroi se nuk bëhet fjalë për krijimin e një shteti të veçantë, ashtu siç është kuptuar nga disa individë, por për një entitet që do të jetë pa dogana, taksa dhe polici. Kryeministri theksoi se ky entitet do të jetë plotësisht në përputhje me Kushtetutën e Shqipërisë, duke mos krijuar asnjë shkelje të ligjit apo të drejtave të qytetarëve.
Rama theksoi se ideja e shtetit Bektashi nuk ka asnjë lidhje me ndërtimin e një strukture të veçantë shtetërore, por është një koncept që synon të rregullojë një aspekt të shoqërisë, pa ndryshuar strukturën themelore të shtetit shqiptar. Ky është një hap drejt ndihmës dhe mbështetjes së komunitetit Bektashi, pa ndërhyrë në sistemin ligjor të vendit.
Kjo nismë ka nxitur shumë reagime dhe diskutime, duke shtuar kështu më shumë interes për të kuptuar natyrën e këtij entiteti dhe se si ai mund të funksionojë brenda kuadrit ligjor të Shqipërisë.
