Në mbledhjen e saj të fundit, Qeveria e Shqipërisë ka miratuar një vendim që kufizon ndjeshëm kompetencat e Ministres së Infrastrukturës dhe Energjisë, Belinda Balluku, në lidhje me dhënien e lejeve të ndërtimit në zonat rreth aeroporteve të vendit.
Ky vendim ka si qëllim kufizimin e ndikimit të ndërtimive në operacionet ajrore dhe sigurinë e fluturimeve.
Vendimi i ri, i miratuar më 19 shkurt 2025, vjen pas anulimit të një vendimi të datës 18 dhjetor 2024. Më herët, Autoriteti i Aviacionit Civil (AAC), që funksionon nën drejtimin e Ballukut, kishte të drejta për të miratuar lejet e ndërtimit në një rreze 15 kilometrash rreth tre aeroporteve kryesore të vendit. Ky territor përfshinte edhe thuajse tërë qytetin e Tiranës, çka shkaktoi shqetësime lidhur me ndikimin e mundshëm të ndërtimëve në fluturimet ajrore.
Sipas vendimit të ri, zona rreth aeroporteve është ndarë në tre kategori të ndryshme, secila me rregulla të veçanta për dhënien e lejeve të ndërtimit. Kategoria A përfshin një rreze 2 km nga pika e referimit të aeroportit, ndërsa kategoria B shtrihet 2 km më tej, duke arritur deri në një distancë prej 4 km nga aeroporti. Kategoria C përfshin një zonë të gjerë prej 11 km të tjera.
Në këtë kuadër, Autoriteti i Aviacionit Civil do të mund të miratojë vetëm ndërtimet që mund të pengojnë operacionet ajrore. Në zonën A dhe B, AAC do të japë miratime për të gjitha ndërtimet që mund të dëmtojnë fluturimet, pa marrë parasysh lartësinë e tyre. Ndërsa, në zonën C, autorizohen vetëm ndërtimet që kalojnë lartësinë 30 metra.
Përveç këtyre rregullave, Këshilli Kombëtar i Territorit do të ketë përgjegjësinë për të dhënë leje ndërtimi për të gjitha projektet që janë më të mëdha se 15 metra në zonën B, si dhe për ato që kalojnë 30 metra në zonën C. Ky ndarje e detyrave ka si qëllim të balancojë nevojat për zhvillim urban dhe sigurinë e fluturimeve.
Ky vendim i ri ka hyrë në fuqi që nga data 23 dhjetor 2024, dhe tani është konfirmuar dhe zgjeruar me VKM-në e miratuar në shkurt. Kjo masë përfaqëson një rregullim të ri dhe më të qartë për zhvillimin urban rreth aeroporteve, duke synuar të mbrojë sigurinë e fluturimeve dhe të mundësojë një zhvillim më të qëndrueshëm dhe të sigurt të territorit.
