Koordinatori për programin ekonomik në Partinë Demokratike, Dorjan Teliti, ka bërë thirrje për pjesëmarrje në protestën kombëtare të thirrur për datën 8 shkurt. Ai theksoi se shqiptarët nuk mund dhe nuk duhet të durojnë më keqqeverisjen aktuale.
Në një postim në rrjetet sociale, Teliti u shpreh: “Bashkohu me ne për një Shqipëri më të mirë! Të gjithë në këmbë, ndryshimi është domosdoshmëri!”
Ai shtoi se Shqipëria po përballet me një grusht pushtetarësh të korruptuar që po pasurohen në kurriz të qytetarëve të harruar e të përçmuar.
“Qeveria po shkatërron ekonominë, ku taksat po shpërdorohen gjithnjë e më shumë për luks dhe klientelizëm. Sistemi i kalbur favorizon oligarkët dhe i lë qytetarët e ndershëm pa shpresë,” theksoi Teliti.
Ai theksoi se Shqipëria nuk është pronë e politikës qeverisëse, por i përket shqiptarëve.
“Shqipëria i përket shqiptarëve! Ndaj nesër, ora 17.00, të gjithë në protestë kombëtare para Kryeministrisë! Dilni dhe protestoni për hallet tuaja!”
Teliti përfundoi me një thirrje për bashkim dhe ndryshim: “Bashkohu me ne për një Shqipëri më të mirë! Të gjithë në këmbë, ndryshimi është domosdoshmëri!”
Protesta e 8 shkurtit është një mundësi për qytetarët të shprehin pakënaqësinë e tyre ndaj qeverisjes aktuale dhe të kërkojnë ndryshime të domosdoshme për një të ardhme më të mirë të Shqipërisë.
