Antonio Costa i dërgon urime të ngrohta Edi Ramës për fitoren në zgjedhjet parlamentare, duke paralajmëruar një takim të afërt në Tiranë.
Presidenti i Këshillit Evropian, Antonio Costa, ka shprehur urimet e tij të ngrohta për Kryeministrin Edi Rama pas fitores në zgjedhjet parlamentare të 11 majit. Në një postim në rrjetin social X, Costa ka vlerësuar rezultatet e arritura nga Rama dhe ka theksuar se mezi pret të përgëzojë personalisht Kryeministrin në Tiranë.
“Urimet më të ngrohta, i dashur @ediramaal, për këto rezultate mbresëlënëse zgjedhore. Pres me padurim t’ju përgëzoj personalisht nesër në Tiranë,” ka shkruar Costa.
Kjo mesazh urimi vjen në një kohë kur Shqipëria ka zhvilluar një proces zgjedhor të rëndësishëm, dhe Costa ka shprehur vlerësimin e tij për këtë sukses, duke nënvizuar rëndësinë e fitores për politikën shqiptare.
Vizita e Antonio Costës në Tiranë është e lidhur me Samitin e Komunitetit Politik Evropian, ku do të marrin pjesë liderët më të lartë të vendeve europiane.
Samiti, që do të mbahet këtë të premte në Tiranë, do të sjellë një mundësi për diskutime të rëndësishme ndërmjet liderëve të Bashkimit Evropian dhe shteteve të tjera partnere. Vizita e Costa-s pas zgjedhjeve të 11 majit është një hap tjetër në forcimin e marrëdhënieve të Shqipërisë me Bashkimin Evropian dhe thellimin e bashkëpunimit në fusha të ndryshme.
