Një veprim i konsideruar si shaka pa kripë nga dy të mitur ka vënë në alarm policinë e Fierit. Sipas njoftimit zyrtar, një djalë 14 vjeç dhe një tjetër 15 vjeç kanë telefonuar sallën operative duke pretenduar se në aksin rrugor Fier Patos kishte ndodhur një aksident.
Shërbimet e policisë shkuan menjëherë në vendin e raportuar, por verifikimi tregoi se njoftimi ishte i rremë.
Materialet e rastit janë referuar në Prokurori për veprime të mëtejshme në ngarkim të dy të miturve.
