Policia e Elbasanit ka bërë të ditur detajet e para lidhur me të shtënat me armë zjarri të raportuara mbrëmjen e kaluar. Sipas informacioneve, një qytetar ka njoftuar autoritetet se kishte dëgjuar një të shtënë pranë banesës së tij në lagjen Vullnetari.
Pas thirrjes, shërbimet e policisë dhe grupi hetimor kanë mbërritur menjëherë në vendngjarje. Nga këqyrja e kryer nuk është gjetur asnjë gëzhojë dhe asnjë predhë plumbi në pjesën e sipërme të banesës ku dyshohej se ishte qëlluar.
Sipas njoftimit zyrtar, ngjarja është regjistruar më datë 28 nëntor 2025, rreth orës 20:30, kur shtetasi F. P., 66 vjeç, ka raportuar të shtënat. Policia vijon punën për sqarimin e rrethanave dhe identifikimin e autorit të dyshuar.
