Një ngjarje e rëndë është regjistruar mëngjesin e sotëm në lagjen numër pesë të Pogradecit, ku një 60 vjeçar është gjetur i pajetë në rrugë. Sipas të dhënave paraprake, viktima dyshohet të ketë qenë i pastrehë dhe humbja e jetës mund të ketë ardhur si pasojë e një infarkti të mundshëm.
Policia ka mbërritur menjëherë në vendngjarje dhe ka nisur veprimet e nevojshme hetimore. Aktualisht, grupi hetimor po punon për identifikimin e personit, ndërsa pritet që ekspertiza mjekoligjore të përcaktojë shkakun e saktë të vdekjes.
Nuk përjashtohet as mundësia që vdekja të jetë ndikuar nga temperaturat e ulëta që kanë përfshirë vendin këto ditë.
