Një plagosje me thikë ka ndodhur në Qerret të Katundit të Ri në Durrës, ku pas një konflikti për motive të dobëta një i ri ka goditur dy herë me thikë 41-vjeçarin Haxhi Shehu. I plagosuri është transportuar në spital dhe ndodhet jashtë rrezikut për jetën.

Si autor i dyshuar i ngjarjes është identifikuar Egzon Sinani, i cili është shpallur në kërkim nga policia.

Sipas njoftimit zyrtar, rreth orës 16:50, në fshatin Qerret, gjatë një konflikti fizik, shtetasi E. S. dyshohet se ka goditur me mjet prerës shtetasin H. Sh., 41 vjeç. Policia ka nisur ndjekjen për kapjen e autorit, ndërsa grupi hetimor, nën drejtimin e Prokurorisë, po punon për sqarimin e plotë të rrethanave të ngjarjes.