Në Kuvend, seanca e ditës kishte nisur nën një atmosferë tensioni, teksa pritej betimi i Endrit Shabanit si Avokat i Popullit. Deputetë të opozitës, përfshirë Flamur Nokën, Klevis Balliun dhe Belind Këlliçin, kishin zënë vendet e ministrave, ndërkohë që pjesa tjetër kishte bllokuar foltoren përpara fillimit të procedurave.
Ndërhyrja e gardës së sigurisë parlamentare kishte shkaktuar reagimin e menjëhershëm të Sali Berishës, i cili i kishte paralajmëruar gardistët se çdo tentativë për të larguar deputetët do të sillte “pasoja shumë të rënda”. Ai kishte kërkuar gjithashtu që në sallë të sillnin Gazment Agasin, të cilin e quajti “pengmarrës”, përpara se të lejonte vazhdimin normal të seancës.
