Në prag të festave të Nëntorit, baret dhe restorantet në Fier janë prenotuar nga një numër i lartë qytetarësh, një traditë që është konsoliduar prej vitesh. Muzika live dhe atmosfera festive me nota kombëtare duket se mbeten zgjedhja e tyre kryesore, përkrah udhëtimeve jashtë vendit.
Sipas menaxherëve të lokaleve, rezervimet kanë nisur që në fillim të nëntorit. Pothuajse të gjitha baret dhe restorantet në Fier kanë planifikuar evente të posaçme për këto ditë feste.
