Udhëtimi pa viza dhe me më pak kufizime në pikat kufitare mbetet një nga treguesit kryesorë të fuqisë së një pasaporte. Sipas renditjes më të fundit ndërkombëtare për vitin 2026, disa pasaporta ofrojnë akses pothuajse global, duke u pozicionuar në krye të listës botërore.
Në vendin e parë renditet Singapori, me akses pa vizë ose me vizë në mbërritje në 192 destinacione. Pas tij, Japonia dhe Koreja e Jugut ndajnë vendin e dytë, duke konfirmuar dominimin e vendeve aziatike në këtë renditje.
Nga rajoni i Ballkanit, dy shtete janë përfshirë në listën e dhjetë pasaportave më të forta në botë. Greqia renditet në vendin e katërt, së bashku me vende si Italia, Franca dhe Gjermania, duke ofruar akses pa viza në 185 destinacione. Kroacia pozicionohet në vendin e gjashtë, duke ruajtur një performancë të lartë në lirinë e lëvizjes ndërkombëtare.
Në anën tjetër të renditjes rajonale, Shqipëria dhe Kosova rezultojnë në fund të listës për Ballkanin. Pasaportat e tyre ofrojnë akses pa viza në 124 destinacione, një nivel më i ulët edhe krahasuar me Bosnje e Hercegovinën.
