Pas hedhjes së molotovëve dhe fishekzjarrëve në drejtim të godinës së Kryeministrisë, një pjesë e protestuesve është larguar nga zona dhe është drejtuar drejt godinës së Kuvendit.

Lëvizja është bërë pas ndërhyrjes së deputetit të Partisë Demokratike, Gazment Bardhi, i cili u ka kërkuar protestuesve të largohen nga hyrja e Kryeministrisë dhe të marshojnë drejt parlamentit.

Protestuesit janë parë duke u organizuar në grup dhe duke ndjekur orientimin e Bardhit, ndërsa forcat e policisë kanë vijuar të qëndrojnë të pozicionuara përreth Kryeministrisë.

Ndërkohë, përpara godinës së Kuvendit është vendosur një kordon policor, në pritje të mbërritjes së protestuesve.

Situata vijon të monitorohet nga forcat e rendit.