Burime të njohura me raportimet e inteligjencës amerikane bëjnë të ditur se Irani ka nisur vendosjen e minave në Ngushticën e Hormuzit.

Sipas informacionit të publikuar nga media amerikane, disa dhjetëra mina janë hedhur në ditët e fundit në zonën që kontrollohet nga Korpusi i Gardës Revolucionare Islamike dhe marina iraniane.

IRGC disponon kapacitete për vendosjen e minave përmes mjeteve të specializuara, si dhe përmes anijeve me eksplozivë dhe sistemeve raketore bregdetare.

Paralajmërimet e mëparshme nga autoritetet iraniane se çdo anije që kalon nëpër ngushticë do të sulmohet kanë rritur tensionet, ndërsa trafiku detar është kufizuar ndjeshëm.

Zyrtarë amerikanë konfirmuan se Marina e SHBA-së nuk ka ndërmarrë ende eskortimin e anijeve, edhe pse presidenti Trump ka deklaruar se kjo mundësi është në shqyrtim.