Mbrojtësi shqiptar Mario Mitaj dha një pasim vendimtar në sfidën Al Nassr–Al Ittihad, duke marrë ovacione pas aksionit që çoi në golin e barazimit.
Në përballjen e zhvilluar në Arabinë Saudite, Mitaj tregoi saktësi dhe vizion loje, duke dhënë një pasim të gjatë perfekt drejt Diabit. Ky i fundit asistoi për Berguijn, i cili e kishte të thjeshtë të dërgonte topin në rrjetë dhe të barazonte rezultatin në 1-1.
Goli i parë i ndeshjes ishte shënuar nga Sadio Mane për Al Nassr, por afrikanit iu ndërpre paraqitja pas vetëm 25 minutash, pasi u ndëshkua me karton të kuq. Largimi i tij la skuadrën e Ronaldos në inferioritet numerik.
Pavarësisht disavantazhit, të gjithë sytë e tifozëve të Al Nassr mbetën te Cristiano Ronaldo, i cili pritej të merrte rolin kryesor për të rikthyer epërsinë e ekipit.
Megjithatë protagonist i ndeshjes u bë Joao Felix i cili shenoi golin e fitores për skuadrën e Ronaldos.
Pavarësisht humbjes, Mitaj jo vetëm që kontribuoi në aksionin e golit, por u vlerësua edhe për paraqitjen solide në mbrojtje. Lëvizjet e tij të sigurta dhe pasimet e sakta e bënë atë një nga më të dalluarit e takimit.
Veprimi i Mitajt mori ovacione nga tifozët dhe vlerësime nga analistët sportivë, duke e konfirmuar si një lojtar kyç për skuadrën saudite dhe një aset të çmuar për Kombëtaren shqiptare.
