Ish-ministri i Mbrojtjes, Fatmir Mediu, ka kërkuar përjashtimin e gjyqtares Irena Gjoka nga shqyrtimi i çështjes ndaj tij.

Përmes avokatit mbrojtës, Mediu iu referua një vendimi të Gjykatës së Lartë të korrikut 2025, duke argumentuar se gjyqtarja paraprake nuk mund të jetë gjyqtare e çështjes në themel kur gjykimi zhvillohet me procedurë të zakonshme.

Sipas mbrojtjes, një gjyqtar që ka trajtuar fazën paraprake mund të vijojë si gjyqtar i themelit vetëm në rastet e gjykimit të shkurtuar, çka sipas tyre nuk aplikohet në rastin konkret.

Më herët, edhe vetë gjyqtarja Gjoka kishte paraqitur kërkesë për dorëheqje nga çështja për të njëjtin shkak, por kjo kërkesë ishte rrëzuar nga një tjetër gjyqtar.