Këshilli i Lartë i Prokurorisë pritet të zgjedhë sot kreun e ri të Strukturës së Posaçme Antikorrupsion, pas përfundimit të mandatit pesëvjeçar të Altin Dumanit, i cili mbaron zyrtarisht më tetëmbëdhjetë dhjetor.
Për drejtimin e SPAK garojnë katër prokurorë: Elvin Gokaj, Klodjan Braho, Adnan Xholi dhe Doloreza Musabelliu. Të katërt kandidatët konsiderohen figura me eksperiencë brenda sistemit të drejtësisë dhe procesi i përzgjedhjes së tyre shihet si një moment i rëndësishëm për vazhdimësinë e punës së institucionit.
Vendimi i Këshillit do të përcaktojë drejtuesin e radhës që do të udhëheqë strukturën kryesore të luftës kundër korrupsionit dhe krimit të organizuar në vend.
