Gjykata e Tiranës do të shpallë më 9 dhjetor vendimin për Marjo Perlleshajn, i akuzuar për vrasjen e Martin Canit dhe plagosjen e Luis Meçjes në nëntor të vitit të kaluar. Çështja lidhet me ngjarjen e rëndë të ndodhur pranë shkollës Fan Noli në Tiranë më 18 nëntor.

Gjatë seancës së sotme, mbrojtja e 15 vjeçarit kërkoi rikualifikimin e akuzës nga vrasje në rrethana cilësuese në vrasje në kushtet e tronditjes së fortë psikike. Prokuroria më herët ka kërkuar dënimin me 25 vite burg, por për shkak të moshës së të pandehurit zbatohet neni 97 i Kodit Penal që parashikon se të miturit nuk mund të marrin më shumë se gjysmën e dënimit maksimal.

Kjo nënkupton se nëse kërkesa e prokurorisë pranohet, Perlleshaj nuk mund të dënohet me më shumë se 12 vite burg.

Në seancën e ardhshme, gjykata pritet të japë vendimin përfundimtar për çështjen, duke mbyllur kështu një prej proceseve më të ndjekura publike të vitit, që tronditi kryeqytetin dhe komunitetin shkollor.