“Përgjegjësi dhe fillim i ri” – thote Ilir Kulla por nuk sqaron cilat ishin keto merita te vecanta dhe cfare ka bere per Italine qe Italia e ka nderuar kaq shume.
Analisti Ilir Kulla është nderuar në Romë në këtë 28 Nëntor me një vlerësim shumë të lartë, Medaljen “Luani i Artë” për Merita të Veçanta. Lajmin e ka bërë me dije vetë Ilir Kulla përmes një postimi në rrjete sociale.
Kulla thekson se është shumë i emocionuar, ndërsa shton se ky çmim nuk është fundi i një epoke pune dhe angazhimi, por është përgjegjësi dhe fillim i ri për projekte dhe sipërmarrje më të mëdha.
Statusi i plotë
Sot, në këtë 28 Nëntor, ditën tonë kombëtare, u nderova në Romë, në Senatin e Italisë, në Sallën e Institutit të Shën Mërisë në Aquirio, në praninë e shumë personaliteteve nga Italia dhe bota, me një vlerësim shumë të lartë, Medaljen “Luani i Artë” për Merita të Veçanta. Falënderova organizatorët jo më pak emocion, me impenjimin që ky çmim nuk është fundi i një epoke pune dhe angazhimi, por është përgjegjësi dhe fillim i ri për projekte dhe sipërmarrje më të mëdha!
