KUÇOVË | NIS RIKONSTRUKSIONI I RRUGËS NË FSHATIN SALCË E POSHTME.

Investimet në infrastrukturë vijojnë të shtrihen në çdo njësi administrative të Bashkisë Kuçovë, duke synuar përmirësimin e kushteve të jetesës dhe lehtësimin e lëvizjes për komunitetin.

Prej disa ditësh kanë nisur punimet për rikonstruksionin e rrugës në fshatin Salcë e Poshtme, në Njësinë Administrative Kozare.

Një tjetër investim i financuar nga buxheti i Bashkisë Kuçovë, që vjen në përgjigje të nevojave të banorëve dhe përmbushjes së një premtimi të kryebashkiakut Kreshnik Hajdari për këtë komunitet.

Rikonstruksioni i këtij aksi rrugor synon të përmirësojë ndjeshëm infrastrukturën, duke krijuar kushte më të mira dhe standarde më të përshtatshme për qarkullimin e banorëve dhe mjeteve.

Përtej ndërhyrjes në Salcën e Poshtme, investimet infrastrukturore vijojnë edhe në zona të tjera të territorit të bashkisë.

Qëllimi është përmirësimi i aksesit, zhvillimi i njësive administrative dhe krijimi i kushteve më të mira për çdo komunitet, pavarësisht largësisë nga qendra e qytetit.

Nga një fshat në tjetrin, infrastruktura mbetet në fokus të projekteve të Bashkisë Kuçovë, me investime që synojnë t’i japin një tjetër standard jetësës së banorëve.

Bizneset që reklamohen në rrjetin e TV Apollon

Bëj edhe ti publicitet në TV Apollon

Tel: +355 69 27 56 610

Tel: +355 69 51 27 033