Me rastin e Krishtlindjes, një nga festat më të shenjta për besimtarët e krishterë, Kryebashkiaku i Kuçovës, Kreshnik Hajdari, zhvilloi një vizitë në Kishën Ortodokse të qytetit, ku përcolli urime të përzemërta për paqe, dashuri dhe harmoni.

Në këtë ditë të veçantë, Hajdari vlerësoi rëndësinë e besimit, solidaritetit dhe dashurisë shpirtërore që mbart Krishtlindja, duke theksuar se këto vlera janë themel për një shoqëri më të bashkuar.

“Kjo është një ditë reflektimi, mirësie dhe shprese për çdo familje,” u shpreh ai gjatë vizitës, duke uruar që fryma e festës të sjellë bekime në çdo shtëpi.

Kryebashkiaku Hajdari uroi që Krishtlindja të sjellë paqe dhe shpresë në çdo zemër.

Ai theksoi se bashkëjetesa fetare është pasuri e çmuar për qytetin dhe vendin.

Vizita u prit me ngrohtësi nga klerikët dhe besimtarët e pranishëm në kishë.

Kjo festë u përcoll me mesazhe dashurie, mirëkuptimi dhe uniteti njerëzor.

Nga gazetari Ndricim Gjoshi.