Mishi i kuq i përpunuar dhe i tymosur mund të ndikojnë në shëndetin e trurit, duke rritur rrezikun e demencës, paralajmëron eksperti neurolog Dylan Wint.
Një studim i fundit ka zbuluar se konsumimi i rregullt i mishit të kuq të përpunuar mund të rrisë rrezikun e zhvillimit të demencës deri në 13 për qind. Ky rezultat ka tërhequr vëmendjen e ekspertëve të shëndetit, duke përfshirë neurologun Dylan Wint, i cili ka dhënë një paralajmërim të rëndësishëm për efektet që ky ushqim mund të ketë në shëndetin mendor. Wint, i cili u cituar nga HuffPost, vuri në dukje se mjekët kanë qenë të kujdesshëm ndaj konsumit të mishit të kuq për një periudhë të gjatë, duke theksuar se ky lloj diete mund të ketë ndikim negativ në funksionimin e trurit.
Duke iu referuar studimit, Wint sqaroi se rekomandimi kryesor është reduktimi i konsumit të mishit të kuq në përgjithësi, dhe jo vetëm i atij të përpunuar, për të mbrojtur shëndetin e trurit. Sipas tij, është e këshillueshme që individët të mos konsumojnë më shumë se katër porcione mish të kuq në javë. Ky kufizim është një hap i rëndësishëm për të ruajtur qartësinë mendore dhe për të parandaluar shfaqjen e sëmundjeve neurologjike.
Një nga faktorët kryesorë që e bën mishin e kuq të dëmshëm për trurin është përmbajtja e tij e yndyrës. Kur mishrat e kuq përpunohen, ato shtohen me substanca konservuese si nitritet, të cilat mund të kenë efekte të dëmshme për funksionimin e trurit, sipas Wint. Eksperti theksoi gjithashtu se ndërhyrja në dietë, duke eleminuar salçiçet dhe mishrat e tymosur, mund të zvogëlojë rrezikun, por nuk garanton mbrojtje të plotë nga demenca.
Megjithatë, për të parandaluar këtë sëmundje, nuk është e mjaftueshme vetëm të eliminoni mishin e përpunuar nga dieta. Wint rekomandon një dietë të ekuilibruar dhe të pasur me perime, drithëra dhe bishtajore, për të siguruar një shëndet të mirë mendor. Për më tepër, ai thekson rëndësinë e aktivitetit fizik si një nga mënyrat më të fuqishme për të parandaluar zhvillimin e demencës.
Në një paralajmërim të ngjashëm, imunologia Amy Shah ka bërë thirrje për kujdes ndaj përdorimit të pa kontrolluar të ilaçeve të difenhidraminës, pasi përdorimi i zgjatur i këtyre ilaçeve mund të rrisë gjithashtu rrezikun e zhvillimit të demencës. Ajo theksoi se ky faktor mund të kontribuonte në rritjen e mundësive për zhvillimin e sëmundjes neurologjike me kalimin e kohës.
Përfundimisht, ekspertët janë të një mendimi se një stil jetese i shëndetshëm, që përfshin një dietë të pasur dhe aktivitet fizik të rregullt, është mënyra më e mirë për të ruajtur shëndetin e trurit dhe për të parandaluar sëmundje të rënda si demenca.
