Ministrja e Brendshme, Albana Koçiu, së bashku me deputeten e Qarkut Fier, Antoneta Dhima, ishin në terren përgjatë lumit Seman, ku verifikuan nga afër gjendjen aktuale dhe ndërhyrjet e kryera për përballimin e rreziqeve të mundshme.

Gjatë inspektimit u konstatua se vëmendja kryesore është përqendruar te mbrojtja e zonave të banuara dhe garantimi i sigurisë së qytetarëve. Strukturat e emergjencave civile, në bashkëpunim me autoritetet vendore, janë të angazhuara dhe në gatishmëri për të ndërhyrë menjëherë në rast se situata paraqet problematika në zona të caktuara.

Sipas autoriteteve, ndërhyrjet do të kryhen pa vonesa për të parandaluar dëme dhe për të menaxhuar në mënyrë efektive çdo rrezik që mund të lindë përgjatë shtratit të lumit.