Një 17-vjeçare është proceduar penalisht në Korçë, pasi dyshohet se ka kërcënuar një të mitur me qëllim që të tërhiqte një kallëzim të bërë më herët.

Sipas njoftimit zyrtar, ndaj adoleshentes është referuar materialet në Prokurori për veprën penale “Kanosja për të mos kallëzuar”. Ajo dyshohet se, nëpërmjet telefonit, ka kërcënuar një 14-vjeçare që të tërhiqte kallëzimin e depozituar për një shoqe të 17-vjeçares, me të cilën kishte pasur konflikt.

Autoritetet kanë nisur veprimet procedurale për rastin, ndërsa çështja do të ndiqet nga organet përkatëse të drejtësisë.