Një aksident me pasojë vdekjen e një këmbësori është regjistruar në orët e para të mëngjesit të së hënës në Tiranë. Ngjarja ka ndodhur rreth orës 06:50 në rrugën “Gjeneral Nikols”.

Sipas të dhënave, një automjet i drejtuar nga një 37-vjeçar me inicialet E.M. ka përplasur një këmbësor, i cili si pasojë e plagëve të marra ka humbur jetën në vend. Viktima ende nuk është identifikuar.

Drejtuesi i automjetit është shoqëruar në komisariat, ku po kryhen veprimet procedurale lidhur me ngjarjen.

Hetimet vijojnë për të sqaruar rrethanat e aksidentit dhe për të përcaktuar përgjegjësitë konkrete.